SHILLONG: Meghalaya a·doko lekka porani gadangko tang·doatna gita sorkari, bang·bate academic stream-rangko dingtang dingtang government college-rango nakatatna sienga aro dingtang dingtang gadangni skulrangna sak 1000 skigiparangkoba kamo ra·dapna miksongenga.
Iani bidingo a·dokni Education Minister Rakkam Sangma, kobor ra·timgiparangna u·iatengon, Science stream-ko Mawphlang aro Mahendraganj Government Colleges-o a·bachengatgen aro unbaksana Sohra, Williamnagar aro Baghmara Government College-rango, science aro commerce stream-rangko a·bachengatgen ine parakataha.
Iako chanchisoenganio ge 258 gitalgipa post-rang nakatatgen ineba Sangma parakataha.
Sangma-ni aganani gitade, da·o re·baenggipa antigni ba antigittamni gisepon, education sector-o, bangbang ong·e dongenggipa ge 1000 kamrangko gapatgnok.
Indake ia recruitment drive-ko nakatataniara, skia poraiani gadangko namdapatgen aro changa sapanikoba, Government college, higher secondary skul aro primary skulrango namdapatgen ineba ua agandapkuaha.
Uana agreba, a·dok sorkari, academic activity-rangko gitalgipa state university-o a·bachengatna gita chanchisamsoenga. Indake re·baenggipa academic session-ni postgraduate course-ko seokgimin department-rangona ra·bagen aro unbaksana university position-na taraken recruitment-ko a·bachengatgen ine Education Minister aganaha.
