NEHU-ni mamlani bidingo NEHUSU, KSU NEHU unit, Union Edu Min-ko mol·molata

Shillong: University-o kamrang tik ong·ja aro administrative-ni chu·sokgijani bidingo sakgni member committee-ni on·gipa report-ko tale sandina aro ia mamlako nirokatchina gita NEHUSU aro KSU NEHU unit, Sonibar salo ma·mong Education Minister Dharmendra Pradhan-ko mol·molataha.
Union Education Minister-na seatgipa chittiko NEHUSU-ni general secretary Toniho Kharsati, indine janapataha, “Ministry-ni bilsi 2024 November ja 14 tariko on·gipa order-o pangchake sakgni member-ni committee, university-ona re·baaha unomitingo student’s bodies, Prof. P.S Shukla-ni kosako ong·gipa lekka aro sakkirang chu·gimikkon on·aha.
Inquiry Committee-ni Chairman-ni bilsi 2024 November 28 tariko on·gipa chittio, bilsokgipa authority, report-ko matchotna sal 15 somoko on·dapaha.
Indake ong·engon January 4 tarikonan Committee-ni report-o maming u·iataniko ba aganchakataniko man·sokujaenga ine NEHUSU general secretary aganaha.
Uni gimin chinga ia mamlako ta·raken nirokatchina ma·mongni minister-na chittiko seataha. NEHU-ni mamlako nirokatna nangchongmotenga ine Kharsati aganaha.
Iarangni gisepon Union Education Minister-ko committee-ni report-ko ta·raken nirokatchina aro mamlako tom·tomatna nirokatchina mol·molataha.
NEHUSU general secretary, Prof. Shukla-ko Vice-Chancellor post-oniko ta·rake ra·galaniko nangnike uko kamoniko ra·galchina mol·molataha.
“Prof Shukla-ni dilanio administration management-ni kamrang tik ong·ja,, jeni a·sel NEHU-ni governance -o nangchakeaha. Uni tenure-ko baridapata ong·ode, univeristy-ni mamla ba obosta namjabatrorogen ineba Kharsati janapataha.”
Student communityi-ni representative ong·e, chinga Prof. Shukla-ni ge·etanirangko knachakna man·jawajok, maina ua student-rangni be·beraa aro ka·donganiko gimataha.
Shukla-ko Vice Chancellor rakkiangkua ong·ode ian university-ni namgni ong·jawa, ua university-ni academic aro administrative environment-ko nosto ka·aha. Student-rang Prof. Shukla-ko university-o napna on·teljawaha ine tik ka·aha. Maina uni dilanio institution-na namgija bimingko ra·baaha. Iarangni gimin chinga jajrenge NEHU-ni mamlako ta·raken nirokatchina ma·mongni Education Minister-na chittiko seataha ine NEHUSU general secretary aganaha.