SOHRA: Chief Minister, uni cabinet-o kam ka·rimskaa aro bureaucrat-rang baksa ru·uta bilsirangoni galchipe dongipa Siej primary school-ko nieaha. Ian Shella constituency-o ong·a. Batanggimin bilsi 1944-onin ia lower primary school-ko galchipe donengachim, indiba Chief Minister, Sohra-o salgnina cabinet retreat-ko ong·atao nirokeaha aro ua school-ko namdapatna aganaha.
Sohra retreat-o ba Sohra-o cabinet tom·aniko January 10 aro 11 tariko ong·ataha. Tom·ani gnigipa salo Chief Minister, Health Minister Ampareen Lyngdoh, aro PHE Minister Marcuise Marak, aro adita sak bureaucrat-rang baksa East Khasi Hilss, Shella Bholaganj block-nining·o ga·akgipa Sief songo donggipa Umkar Living Root Bridge-ona ja·achi re·angaha.
Gipin cabinet minister-rang trekkingo bak ra·jaha.
Songona re·gipa ramarangni obosta namgijako nike CM suk ong·gijako aganaha. Aro school-ko galchipe donani giminba suk ong·jaha.
Indake Chief Minister, gital infrastructure project-rangko parakataha. Jeon rama taria aro school-ko namdapatani giminba janapaha. Indake uamang songni nokma Hally War baksa agan-golpogrike Living Root-ko namdapatna aganaha. Ia Living Root-ni ong·baanide skangni ma·gitcham pagitcham-rang jaktangchi tarianggimin ong·a an·chingni ma·gitcham pagitcham-rang gisik seng·e ia nitobegipa baigipa dolongko tarie donangaha ian chasonggitalni chadamberangna skie ra·na aro u·ie ra·na nanggipa mingsa ong·a ine Chief Minister Conrad sangma aganangaha.
Songni nokma War, dolongni ru·utani gimin aganangengon, “Angni bilsi 10 rang ong·mitingo anga ia chiringko manderangni kosto ong·e neng·nike batsotaniko nike dolongko tarina gisik nakataha. Da·ode ian baigipa nitogipa dolong ong·atskaha. Ia dolongko bang·en manderang nina re·baronga, bilsio sak 10,000 de gapaia.
Indake ong·engon Living Root dolongko War- ni simsake nirokenganina Chief Minister Sangma mittelangaha aro ua jolo adita ming gital project-rangko tarina miksonganiko parakaha.
