SHILLONG: Sombar salo, a·dokni Chief Minister Conrad K Sangma, Meghalaya a·dokna Early Child Development (ECD) Framework-ko a·bachengate on·angenba, ECD content package aro Sesame Workshop Trust-ni a·dok sorkari baksa nangrime tarigipa training material-rangkoba a·bachengate on·angaha.
Ia ECD Framework aro ECD Content Package-ko a·bachengate on·anganio a·dokni Chief Minister, jinmana aganprakangengon, iandakgipa program-rangko ra·gatanio manderangna chanchiesa sorkari, ja·kurangko de·enga ine parakangaha.
Ia program-rangko manderangni namgnina pilakni gitan nigopesa tariaha ineba ua aganaha.
Chief Minister-ni parakatani gitade, ia ECD Mission baksana MOTHER gita dakgipa programrangara, bi·sarangko dal·droatanio mingsa namgniko on·enggipa program ong·gen.
Ia program-ko name chu·sokatchina gita program-ko jako ra·enggipa dingtang dingtang dolrangko didiatengon, ia program-ni biteko nambate man·na gita an·tangtangni man·enggipa cholrangko name jakkalchina Chief Minister didiataha.
Namgipa songsalko rikna gita dambemiting somoirangonin bi·sarangni gisikrango on·kange kam ka·na skaniko ong·atna nangengani giminba ua aganaha.
ECD-ni niamrangko tariahani gimin aro jolni daka rikaniko u·i-ma·siani baksa nangrimatahani gimin ua dingtangmancha Sesame Workshop Trust aro a·dok sorkarikoba mittelpilangaha.
