SHILLONG: Khasi Hills Autonomous District Council (KHADC) aro Jaintia Hills Autonomous District Council (JHADC)-o gitalgipa Executive Committee-ko rikna gita mejalo election ong·atanio 60 percent voter-rang, sak 272 candidate-rangni rasongko EVM-rango mohor su·manaha.
Mejalni MDC election-o salni gittam bajimangona 60 percent voter-rang KHADC-na puonaha aro JHADC-na 70 percent voter-rang puonangaha.
District Council Affairs (DCA) Commissioner aro Secretary, Cyril V Diengdoh-ni parakani gitade, KHADC-na puonaniode darangoba maming kajia golmal grian tom·tomen matchotaha.
Indake ong·genchimoba, East Jaintia Hills-o adita golmalrang ong·angaha, jeon dolsa manderang re·baenba Polling Station No.22/7 Wapung Skur A (Male) aro Polling Station No.22/8 Wapung Skur B (Female) polling station-rango EVM-rangko nosto ka·aha, je biaprangan 22- Musniang Rangad District Council constituency-ni ning·o ga·akachim.
29- Bataw Lakadong District Council Constituency-ni ning·ogipa Polling Station No.29/7 Bataw A (Male) aro Polling Station 29/8 Bataw B (Female)-oba EVM-rangko nosto ka·aha.
Mejalni bako golmalrang ong·ahani gimin chel·chakgiparangko bilakbate donatenba da·al pring 7 bajioni attam 4 bajiona puonattaigen.
Puongimin vote-rangko February 24 tariko chanenba parakatanggen.
