TURA: Re·anggipa February 25 tariko, Bakery & Confectionary Vocational Training Course-ni chatro chatrirang, dingtangmancha Food Fest aro Musical Fiesta-ko Tura-ni Don Bosco College-o ong·atangaha.
Ia program-ko Dr Aksana Neah Ch Marak dilangaha aro ia program-o dol 12 chatro chatrirang, joltangni, a·songni aro Bhutan a·songni cha·ani ringanirangko tarie mesokangtokaha.
Ia program-ko Don Bosco College-ni Principal a·bachengate on·aha aro program-ona dingtang dingtang biaprangoni re·bagipa manderangko rimchaksoaha.
Ia program-ona re·bagipa manderang, chatro chatrirangni tarigipa ma·manti cha·anirangko cha·e nina cholko man·an baksana doka dam·ani aro git ring·anirangkoba nina chol man·aha.
Ia program-ko Bakery & Confectionary Vocational Training Course-ni chatro chatrirang, National Education Policy (NEP) 2020 curriculum-ni bak gita ong·ataha aro ia program-ko ong·atanio, Tura-ni College of Community Science (CCS)-ba dakchakanirangko on·angaha.
