TURA/AMPATI: Banggriani aro a·a rurongani somoirango dakna nanggni aro dakchakanirangko on·na gita Bristibar salo, Meghalaya a·dok gimikon Mock Drill ba dake nianiko ong·atangaha aro uandaken ia mock drill-ko Garo Hills-ni dingtang dingtang biaprangoba apsan daken ong·atangaha.
Ia Mock Drill-ko National Disaster Relief Fund (NFRD) baksana District Disaster Management Authority (DDMA)-rang nangrime ong·atangaha aro Tura-oba ia mock drill-ko dingtang dingtang biaprango ong·atangaha.
Tura songjinmao ia State Level Mock Exercise-ko District Council Office building, Tura Civil Hospital, Tura Super Market, Tura St Xaviers Secondary School aro Deran Gittim-o ong·atangaha aro Mock Exercise-ko ong·atengmiting somoio Incident Command Post (ICP) aro Planning Section (PS)-ko Tura Circuit House-o done, Operating Section (OS), Staging Area (SA), Relief Camp (RC), Logistic Section (LS)-ko man·chape Base, Camp aro Medical Aid Post-ko Tura Government College-o donskaaha.
Mock drill-ko ong·atanio district official-rang, Civil Defence, MPRO, Police, Health, Fire & Emergency Services, Volunteer-rang aro dingtang dingtang department-rangba bak ra·angaha.
Indake ong·engon, South West Garo Hills a·jaoba ia Mock Exericse-ko ong·atangaha aro ia mock drill-ko South West Garo Hills a·jani Deputy Commissioner In-charge Dolrich Berin G Momin-ni dilanichi ong·ataha.
Ia Mock Exercise-ko ong·atanio SWGH a·jani Superintendent of Police (SP) Vikash Kumar, ADC-rang, BDO-rang, aro dingtang dingtang officer-rangba bak ra·angtokaha.
Mock Exercise matchotani ja·man SWGH a·jani Deputy Commissioner In-charge Dolrich Berin G Momin, ia dake nianiko chu·sokgipa ong·atna man·ahani gimin ia mock exercise-o bak ra·gipa pilak officer-rang aro volunteer-rangko mittelpilangaha.
Banggriani aro a·a ruronganirangona Garo Hills-oba Mock Exercise-ko ong·ata
Date:
Share post:
