Williamnagar: A·chik Dedicated Integrity Leaders (ADIL), Bansamgre Primary Health Centre-o nangchongmotgipa jakkalanina mangmangba chirang dongjani a·sel rongtal-an·talanio aro bang·a neng·nikanirangko changrongna nangengani bidingo suk ong·gijaniko parakaha. Bansamgre PHC-o nangchongmotgipa ringani aro jakkalani chirangko man·srangjaengani a·sel rongtal-an·talani dongsrangja iana A·chik Dedicated Integrity Leaders (ADIL) suk ong·gijaniko parakaha.
Ia healthcare centre-o chirangko nangchongmotgipa jakkalna nanggiparango jekai labour room, laboratory room, mangmangoba chirangan dongjani a·selo rang·gittik nangchongmote sanna bana re·bagipa manderangkoba gipin PHC-rangona ba Williamnagar Civil Hospital-ona watatskana nangao ga·akenga jechi manderangna, somoi aro tangka paisarangni gitaba neng·nikaniko ong·ata. Uni gimin jako ra·e kam ka·enggiparang, iani bidingo ta·rake nirok simsakaniko dakchina ,A·chik Dedicated Integrity Leaders-ni dolrang mol·molataha.
