‘Namgipa ja·kuko de·anichi bimang ong·atsoani’ gimin agangrikani session-ko CAU Tura ong·ata

Tura: April 17 tariko ‘Namgipa ja·kuko de·anichi mikkangchina bimang ong·atsoani bidingo agangrikgipa session-ko College of Community Science, Central Agricultural University (CAU) Tura-ni gita ong·ataha.
Community science-ni principle-rang baksa ning·tue bak ong·angchina chatro chatrirangko didiangna aro songsalo janggi tanganiko dingtangatna maidakgipa cholrangchi man·gen uarangko ma·sie ra·atna tom·ani miksongani ong·a.
Session-ko Indian Council of Agricultural Research (ICAR), New Delhi-oni sakgni mongsonggipa manderang, Prof. Sanjay Kumar Singh, Deputy Director General aro Prof. V.B Patel, Assistant Director General-chi skie on·aha. Sakgni mongsonggipa sokgiparang chatro chatrirangna aro faculty member-rangna economic-o dal·roroani, rural development aro ja·manchakgipa jatrangko bilakdapatna tang·doatanio Community Science-ni bilakgipa role-ko talate on·angaha.
College-ni Dean Dr. Jyoti V. Vastrad-chi mongsonggipa dilgiparangna rimchaksoani kattarangko aganangaha aro College-ni community-o poraia skianio gisiko nangangani, research aro outrerach program-rangko dakenggipani bidingo talate on·angaha. Da·ororo socio-economic dontonggija dingtangenganio aro Community Science-ni mongsonggipa gamchatgiparang baksa bakrimanio nangchapgipa namroroanirangko ua aganangaha.
Session-ni somoio, mande ra·ako man·a kragipa speaker-rang baksa chatro chatrirang joljolan sing·jolaniko dakangaha, community science aro nangchapgipa sector-rango kam ka·e cha·giparangni gisepgriko an·tangna basegipa kamrang aro policy-ni ge·etani, badingchiwalanio re·mikkanggipani gamchatgipa bakrangko man·angani gimin talatangaha. Namgipa policy-rang aro ja·dil ja·pangoni neng·nikanirangko man·engiparangna dakchakaniko on·dapangna community science-o maidake education aro research-ko dakna man·gen iarangni bidingo agangrikanio faculty member-rangba bak ra·angaha.