SHILLONG: Meghalaya a·doko bobil dake chakatenggipa Hynniewtrep National Liberation Council (HNLC) bobil dolna, gitcham Congress sorkarini somoio, da·o a·dokni Deputy Chief Minister ong·enggipa Sniawbhalang Dhar, tangka paisarangko dakchake on·achim ine a·kanganiko nikna man·ahani gimin iani bidingo jakgitele sandirokchina aro ian kakket ong·a ine nikgenchimode Dhar-ko Cabinet-oniko ra·galchina gita Voice of the People’s Party (VPP) dabiangaha.
Iani bidingo National Investigating Agency (NIA)-chi sandirokchina gitaba VPP dabiangaha.
Iani bidingo kobor ra·timgipa manderang baksa agangrikengon, gitcham Congress sorkarini somoio Sniawbhalang Dhar, saksa minister ong·e tangka paisarangko dakchake on·achim ine HNLC bobil dolni a·kanganiara namen ra·chakna man·gijani ong·a ine VPP-ni dilgipa Batskhem Myrboh parakatenba, iani bidingo ta·raken sandirokchina aro uko Cabinet-oniko ra·galchina dabiangaha.
A·dokni saksa dilgipa ong·e bobil dolrangna dakchake on·a ine a·kanganiara a·songni naljokanina jajrengchakna nangani ong·a ine ua a·kangatenba, iani bidingo NIA-chi sandirokchina gitaba dabiangaha.
Rim·a man·gipa HNLC bobil dolni mande sakgniko kragija dake sasti on·e roenga ine koborrangko man·soahani giminba VPP raken jegalataha aro mandena on·gimin bilko rakkichina didiataha.
Iandake rim·a man·gipa manderangko sasti on·e roaniara kraani ong·ja aro iani bidingo jakgitele sandirokna nanga ineba VPP dabiangaha.
HNLC-na Dy CM dakchake on·a ine a·kanganiko sandirokchina VPP dabia
Date:
Share post:
