SHILLONG: East Khasi Hills a·jani Pynursla Block ning·o donggipa Wahlyngkhat songo Living Root Bridges Experience Centre rikna siengani gimin ia biapko Sonibar salo, a·dokni Chief Minister Conrad K Sangma nina re·angaha.
Chief Minister-ni parakatani gitade, ia centre-ko rikna gong kror 70 tangkarangko chamaha aro ia biapo Living Root Bridges Experience Centre baksana Wahkhen Residential Music Retreat-ba donggen.
Ia project-ni bak gita Mawkyrnot, Rangthylliang aro Mynrieng songrangkoba taridapna sienga aro ia songrangko trekking circuit dake tarian baksana ia songrango tourism-ni dingtang dingtang nokrangkoba rikgen.
Wahlyngkhat songo iandakgipa root bridge ba bol ja·dil jal·langrang bang·batani batani gimin ia songko Living Root Bridges Experience Centre-na seokaha ineba Chief Minister aganaha.
Wahkhen Residential Music Retreat-o tourist-rang, Khasirangni dingtang dingtang daka rikanirangko nie ra·na man·gen ineba ua aganaha.
Ia biaprangko niangani ja·man a·dokni Chief Minister, Raid Nongblai songni rongtalgipa bolgrimonaba re·angaha aro uni nikanio ia bolgriman dikbatsranggipa bolgrim ong·gen ineba ua aganaha. Ia bolgrimrangko name ripinge rakkiahani gimin ua songni manderangkoba mittelpilangaha.
Apsan salon, a·dokni Chief Minister Conrad K Sangma, East Khasi Hills a·jani Pynurlsa Sub-Division ning·o donggipa Tangmang songonaba re·angaha.
Ia songona re·anganio a·dokni Chief Minister-ko songni manderang, mande ra·bee rimchaksoenba, jaktangchi tarigimin bosturangkoba mesoktokaha.
Ia songo manderangni wata chengani aro sika koanirango changa sapanirangko nike, dingtang dingtang biaprangoni re·baenggipa manderangna aro official-rangna boksis dake on·skana gita ia songonikon iandakgipa bosturangko bang·e brechina gita Chief Minister, an·tangni official-rangko ge·etangaha.
Dingtang dingtang cholrangchi a·dok sorkari, songo noko manderangni janggi tanganiko ra·dona gita ku·rachakenga ine janapatengon, iandake jakni kamrango changgipa sapgipa manderangna dakchakanirangko on·anian MDA sorkarini mongsonggipa miksongani ong·a ine Chief Minister aganaha.
Tangmang songo Handicraft Training Centre-ko kuliani giminba Chief Minister, jinmana parakataha.
Ia songo ua CM-Connect session-koba ong·atangjolaha aro manderangni nangani aro neng·nikanirangko knatime ra·angaha.
Tangmang Secondary School-na Chief Minister’s Special Development Fund-oniko gital skul nokko rike on·na gitaba Chief Minister ku·rachakangaha.
Chief Minister-ni parakatani gitade, ia centre-ko rikna gong kror 70 tangkarangko chamaha aro ia biapo Living Root Bridges Experience Centre baksana Wahkhen Residential Music Retreat-ba donggen.
Ia project-ni bak gita Mawkyrnot, Rangthylliang aro Mynrieng songrangkoba taridapna sienga aro ia songrangko trekking circuit dake tarian baksana ia songrango tourism-ni dingtang dingtang nokrangkoba rikgen.
Wahlyngkhat songo iandakgipa root bridge ba bol ja·dil jal·langrang bang·batani batani gimin ia songko Living Root Bridges Experience Centre-na seokaha ineba Chief Minister aganaha.
Wahkhen Residential Music Retreat-o tourist-rang, Khasirangni dingtang dingtang daka rikanirangko nie ra·na man·gen ineba ua aganaha.
Ia biaprangko niangani ja·man a·dokni Chief Minister, Raid Nongblai songni rongtalgipa bolgrimonaba re·angaha aro uni nikanio ia bolgriman dikbatsranggipa bolgrim ong·gen ineba ua aganaha. Ia bolgrimrangko name ripinge rakkiahani gimin ua songni manderangkoba mittelpilangaha.
Apsan salon, a·dokni Chief Minister Conrad K Sangma, East Khasi Hills a·jani Pynurlsa Sub-Division ning·o donggipa Tangmang songonaba re·angaha.
Ia songona re·anganio a·dokni Chief Minister-ko songni manderang, mande ra·bee rimchaksoenba, jaktangchi tarigimin bosturangkoba mesoktokaha.
Ia songo manderangni wata chengani aro sika koanirango changa sapanirangko nike, dingtang dingtang biaprangoni re·baenggipa manderangna aro official-rangna boksis dake on·skana gita ia songonikon iandakgipa bosturangko bang·e brechina gita Chief Minister, an·tangni official-rangko ge·etangaha.
Dingtang dingtang cholrangchi a·dok sorkari, songo noko manderangni janggi tanganiko ra·dona gita ku·rachakenga ine janapatengon, iandake jakni kamrango changgipa sapgipa manderangna dakchakanirangko on·anian MDA sorkarini mongsonggipa miksongani ong·a ine Chief Minister aganaha.
Tangmang songo Handicraft Training Centre-ko kuliani giminba Chief Minister, jinmana parakataha.
Ia songo ua CM-Connect session-koba ong·atangjolaha aro manderangni nangani aro neng·nikanirangko knatime ra·angaha.
Tangmang Secondary School-na Chief Minister’s Special Development Fund-oniko gital skul nokko rike on·na gitaba Chief Minister ku·rachakangaha.