SHILLONG: Meghalaya a·doko koela bikotaniko 2014 bilsion champengatahaoba, dingtang dingtang songjinmarango dal·dalgipa karkanarangni balwa moila ong·atakode National Green Tribunal (NGT) nikchanggalskaaha ine Sombar salo, Rajya Sabha-ni MP WR Kharlukhi matnangataha.
Iani bidingo kobor ra·timgipa manderang baksa agangrikengon, a·doko koela bikotaniko champengatahaoba, dingtang dingtang songjinmarango karkanarangni balwa moila dakenganikode nichanggalengani gimin ua bakan Parliament-o ku·rangko on·gen ine Kharlukhi parakataha.
“Koela bikotanikosa NGT jegalbataha indiba karkanarangni balwa moila dakengani a·sel hajalni hajal manderang siangengoba NGT, maming ja·kurangko de·jaenga. Ian NGT-ni dakgualaniko mesokani ong·enga,” ine Rajya Sabha MP aganaha.
Batanggimin bilsi 40-na Jaintia Hills-ni manderang koelaon pangchake janggi tangtokpaengachim ine janapatengon, 2014 bilsio NGT-ni rang·gitik koela bikotaniko champengatani a·sel a·dokna kajina man·aniosan ong·aigija district council-rangba neng·nikanirangko chagrongna nangaha ine Kharlukhi aganaha.
“Dal·dalgipa karkanarangni balwa moila dakani a·selan hajalni hajal manderang sina nangahaoba maini gimin NGT, maming ja·kurangko de·na man·jaenga? Koelarangko skatang bikotanichi samtangtango ong·telaigiparangna nangchakeaniko ra·bagenchimoba karkanarangni balwa moila dakanichiba bang·a manderangni janggirangan gimana nangskaaha,” ine Kharlukhi aganaha.
Koela bikotanichi aro koelarangko chimonge rakkianichi maikai da·o gita wachini somoirango chirangona jokange, chiring chibisikrang nosto ka·ako man·enga, uarangni bidingo name am·sandichina gitaba ua NGT-ko didiataha.
 |
ReplyForward
|
