Adita salrangna skang, A·chik Holistic Awakening Movement (AHAM) Bawagre Sub Unit, a·dokni skotong Minister Conrad K. Sangma-ko grongenba, West Garo Hills a·jani Raksamgre Civil Sub Division-ni ning·o donggipa, Nengbapara Public Health Sub Centre-ko ta·rake rike on·pachina dabian baksana nipiltaianiko dakchina lekka sedoataha. AHAM Bawagre Sub Unit-ni sedoatgipa chittio janapatani gitade, Health and Family Welfare Deparment, batanggimin 2024 bilsini May 12 tarikon Nengbapara Health Sub Centre-ko rikna a·bachengatna gita on·gimin biaprangko nianganiko dake ta·raken ia sub centre-ko rike on·a Department-ni manderang ku·rachakangahachim indiba da·ona kingkingba ia Public Health Sub-Centre-ko rike on·a maming kobor donchipkuja ine AHAM Bawagre Sub Unit-ni President Briwat Sangma parakataha. Uni gimin sepangjolo songdongenggipa manderangni saa dingani somoirango ta·rake sepangbatgipa sanchakram biaprango sana bananirangko dakna man·a gita aro sana bananirango neng·nikanirangko komiatna gita, Nengbapara Public Health Sub Centre-ko ta·rake rike on·pachina, AHAM Bawagre Sub Unit-n dilgiparang a·dokni Skotong Minister Conrad K. Sangma-ko mol·molataha.
AHAM, Nengbapara PHSC-ko ta·rake rike on·pachina CM-na lekka sedoata.
Date:
Share post:
