TURA: Bang·a somoirangon Meghalaya-ni a·arangko Assam sorkarini kangdrana jotton ka·rongengani gimin Pedaldoba-ni Garoland State Movement Committee (GSMC), Federation of A·chik Freedom (FAF) aro A·chik Youth Welfare Organisation (AYWO) Mendal unit jegalatenba, iani bidingo ta·raken ja·kurangko de·china a·dokni Chief Minister Conrad K Sangma aro Meghalaya sorkariko didiataha.
“Meghalaya aro Assam a·dokni gisepo simani bidingo chengonin golmalrang donga aro Assam-oniko Meghalaya a·dokko man·chengaonin simarangko name sale on·kujani a·sel 1972 bilsionin Meghalaya sorkarirang, ia neng·nikanirangko namatchipna man·kujaenga. Iani a·sel da·o simarango songdongenggipa manderangsa neng·nikanirangko chagrongna nangtokenga aro a·dok damgnini simarango songdongenggipa manderang a·dok sorkaritangtangni on·enggipa scheme-rangkoba gimaatna nangenga,” ine dolgittam NGO-rang parakataha.
Jinjiram chibimachin Meghalaya aro Assam-ni simarango ma·sina man·achim ine janapatengon, batanggimin bilsirango ia chibima Meghalaya a·dokchipakna batrorobaahani a·sel Assam-chipakni Meghalaya a·dok ning·o napdrae game ge·e cha·ani aro songdong a·chaanirangba batrorobaaha ine dolgittam NGO-rang parakataha.
“Rabha Hasong Autonomous Council (RHAC)-ko Assam sorkarini songani ja·man RHAC-ni ning·o ga·akgipa biaprangko tik ka·na survey-rangko dakengaha aro survey ka·giparang, Pedaldoba, Rongsai, Bolsaldamgre, Balbalgre, Lower Kongrapara, Thakurbilla aro Rongsai-o donggipa GHADC-ni Forest Beat Office baksana North Garo Hills a·jani ning·o ga·akgipa Fakirmara songkoba RHAC-ni ning·o bak ong·a ine chanengaha. 1920 bilsirango Rongsai Bazar dolong, Sampang Pahar, Mangnakopa, Sildubi aro Jolsimina jolrango songgipa krongrangkoba da·o nikjaengahani gimin a·dok damgnini gisepo jajaaniko ong·atengaha,” ine NGO-rang parakataha.
Mikkangchi ia jolrango iandake ma·sisretgrikanirangchi golmal ong·anirangko champengna gita ta·raken ja·kurangko de·chakatchina gitaba NGO-rang, a·dokni Chief Minister-ko didiataha.
 |
ReplyForward
|