SHILLONG: Meghalaya a·dokni Sohra jolo so·ota man·gipa Raja Raghuvanshi aro gimakuenggipa Sonam-ni bidingo report-ko salgittamni gisepon on·china gita National Commission for Women (NCW), a·dokni Director General of Police (DGP) Idashisha Nongrang-na ge·etaniko on·angaha.
Madhya Pradesh a·dokoni bia ka·daldale re·bagipa tourist sakgni, re·anggipa May jani 23 tarikonin Sohra jolo gimaaha indiba segipani sogimin manggisikode June-ni 2 tarikon, Weisawdong Falls samba jolo donggipa a·dareoniko man·ahachim. Ia mandeni jikgipa Sonam-kode da·alonan man·skakujaengachim.
Indake ong·engon, Raja Raghuvanshi-ko so·otani aro uni jikgipa Sonam-ko Bangladesh a·songona rim·gittangangani cholrang donga ine kobor on·aniko man·soani ja·man iani bidingo chu·gimik report-ko NCW, a·dokni DGP-oniko bi·ataha.
“An·chi nanggipa raincoat-ko man·ani, ia sakgniko ma·sina man·gijagipa sakgittam manderang baksa nikani, ia pilakan ia tourist sakgnini kosako ong·gija dakaniko mesokani ong·enga,” ine Commission parakataha.
Iani bidingo NCW-ni Chairperson Vijaya Rahatkar, a·dokni DGP-na seachi u·iatengon, gimaenggipa me·chikko drone-rangchi, sandigipa achakrangchi aro dingtangmancha tarigimin dolorangchi bilakbate sandichina aro a·songni agency-rang baksa bakrime forensic-rangchi sandirokchina gita a·dokni DGP-ko didiataha.
Dos dakgipa manderangko ta·raken rim·china DGP-ko didiatengon, iani bidingo chu·gimik report-ko salgittamni gisepon Commission-na sokatchina NCW-ni Chairperson ge·etaniko on·ataha.
 |
ReplyForward
|
