SHILLONG: Ja-3-na Vigilance Awareness Week 2025-ko Shillong campus-o November 20 tariko matchotatani program baksa North East Centre for Technology Application and Reach (NECTAR) name matchotatna man·aha.
Bak ong·gijanio, ronggrike kam ka·anio aro kakket ong·anio manderangna awareness on·ako bilakbatatna miksonge sulsul kamrangko ka·angenga.
Campaign-ni bak ong·e, NECTAR susaatanirango pangchake awareness-ko ong·ataha, jekai quiz, debate aro noksa salsusaanirangko ong·atchapaha. Inter School aro Inter College Competition-o dingtang dingtang institution-rangoni chatro chatrirang bakko ra·angpaaha. Uamangni jotton ka·anina bak ra·gipa sakantina certificate-rang baksa boksis-rangko on·angaha.
School category-o Seven Set Higher Secondary School-ni Aayan Gurung skanggipa biapko man·aha uni ja·man B.K Bajoria Higher Secondary School-ni Laweihaka Dkhar gnigipa biapko man·aha aro Army Public School-ni Deepali Chettri gittamgipa biapko man·aha. College category-o Synod College-ni Jonistar Jyrwa chubatgipa gadangko man·aha, Shillong Commerce College-ni Fabian Tyngkaihok Nongkynrih aro Synod College-ni Annibasuk Kharbani gnigipa aro gittamgipa gadangko man·aha.
Dingtangmanchagipa vigilance awareness session-ko Central Bureau of Investigation (CBI), Shillong Branch-oni Inspector-chi programme-ni mongsonggipa bakko agan-talatangjolaha.
Dr. Collin Z. Renthelai, Chief Vigilance Officer, NECTAR, program-o matchotaniko kattarangko aganangaha jean bakko ra·giparng, institution-rangko aro programme ong·atgiparangko uamangni gisiko nange bak ra·anganina de·mittele aganangaha. Director General Dr. Arun Kumar Sarma-na tom·bachimonggipa manderangna NECTAR-ni ronggrike kam ka·aniko tang·doatna on·kangani gimin agan-talatangaha aro broader community aro organisation-ni gisepgriko mande ra·grikaniko ranta ka·angna aganangaha.
Shillong-o ja-3-naVigilance Awareness Campaign ong·atgipako NECTAR matchotata
Date:
Share post:
