SHILLONG: Meghalaya a·dokni Sohra Circuit aro Tripura a·dokni Matabari Circuit-o tourism-ni kamrangko namdapatna gita ma·mong sorkari, mongsonggipa ong·e jako ra·aha ine Bristibar salo, DoNER Minister Jyotiraditya M Scincia parakataha.
Bristibar salo, DoNER Ministry-ni Consultative Committee-ni tom·aniko Parliament House Annexe-o ong·atanio aganprakengon, Sohra Circuit-na pangchakaniko songmanaha aro Matabari Circuit-naba da·o ma·mong sorkari ra·chakna siengaha ine Scindia parakataha.
Tourism-ni ning·o dingtang dingtang nokrangko rike on·an baksana kam ka·giparangkoba nambatgiparangko man·na gita ia project-rango donenga ineba ua aganaha.
Prime Minister’s Development Initiative for North East Region (PM-DevINE)-ko DoNER Ministry-ni mongsongbatgipa scheme ine janapatengon, ia scheme-ko 2022-2023 bilsini Union Budget-o ra·gatchengaha ine Union Minister parakataha.
Scindia-ni parakatani gitade, 2022-2023 bilsioni 2025-2026 bilsiona ia scheme-ni ning·o gimik kror 6600 chamaha aro ia bilsini October jaona kingking, gong kror 5700-ni ming 44 project-rangko chamataha.
Sanction ka·gimin project-rangoni gong kror 176-ni minggittam project-rangko matchotmanaha aro gong 5500-ni ming 41 project-rangko da·o ka·engaha ineba ua aganaha.
Gong kror 111-ni project-rangko ra·chakmanaha aro gong kror 625-ni project-rangko da·o ra·bakuenga ineba Scindia parakataha.
Committee membor-rangni sing·anirangna aganchakaniko on·angengon, Assam, Nagaland, Mizoram aro Tripura a·dokrango ka·enggipa project-rangni bidingo Union Minister talate on·angaha.
PM-DevINE-ni ning·o kror 5700-ni ming 44 project-rangko chamata: Scindia
Date:
Share post:
