BAGHMARA: Re·anggipa December 5 tarikoni 8 tarikona, South Garo Hills Bharat Scouts & Guides (BS&G)-ni Winter Camp-ko Baghmara-ni Simsang chisamo ong·atangaha.
Ia winter camp-ko ong·atanio, South Garo Hills a·jani dingtang dingtang skulrangoni gimik sak 138 Scout aro Guide-rang bak ra·angtokaha.
Ia winter camp-o South Garo Hills a·jani scout aro guide-rang, changa-sapanirangko skie ra·an baksa namgipa bewalrangko songsalo tangmesokani aro namgipa kamrangko ka·e mande skana dangdike on·ani bidingo skie ra·na cholrangko man·aha.
Ia salbrina ong·atanggipa winter camp-o South Garo Hills a·jani scout aro guide-rang, Ground Crawling, Horizontal Ladder Crawling, Beach Football, Beach Volleyball gita dakgipa kal·anirangko kal·e kusi ong·tokbeaha.
Robibar attamo camp fire-ko ong·ate, scout aro guide-rangko an·saoatangaha aro Sombar salpaksa samtangtangko rongtal-an·talatmane, noktangtangchi re·bildangtokaha.
