SHILLONG: Meghalaya a·doko ASHA aro Anganwadi worker ong·e kam ka·enggipa manderangna dormaharangko tik ong·e on·jaengani gimin Tura-ni MP Saleng A Sangma, Parliament-ni Winter Session-o ku·rang on·angaha.
Parliament-ni Winter Session-o aganprakangengon, Meghalaya a·doko bi·sa bakgitchak aro an·o donggipa ma·giparangni sianiko komiatna sorkari, kamko ka·engoba, bi·sa aro ma·giparangko an·seng baljoke rakkina kam ka·enggipa manderangni nanganirangkode sorkari, nichanggalskaenga ine Sangma aganaha.
“Meghalaya a·doko ASHA aro Anganwadi gita dakgipa manderangan, dingtang dingtang sabisi sakanchi, jekai TB, HIV aro uandakgipa sabisiko man·gipa manderangko an·seng baljoke rakkina aro somoi gita porikka ra·jringna rakbee kamko ka·giparang ong·a indiba ia kamko ka·giparangnade sorkari, maming simsakanian dongskarongja,” ine Tura MP aganaha.
ASHA aro Anganwadi worker-rangna social security benefit ba songsalni pilak namgnirangko on·pana gita 1948 bilsini Minimum Wages Act-ko ra·gatchina gitaba Sangma, sorkariko didiangaha.
A·dokni ASHA aro Anganwadi worker-rangna, sorkarini dingtang dingtang kam ka·giparangna on·enggipa namgnirangko on·china gitaba Tura MP didiangaha.
