Accounts & Treasuries recruitment-o kragipa candidate-rangko rakkija ine matnanga

TURA: Directorate of Accounts and Treasuries-ni ning·o Senior System Administrator aro Assistant System Administrator-ni post-rangna manderangko rakkiao (recruitment) niamrangko tik ong·e ja·rikja matnange ACHIK, recruitment process-ko ta·raken  dondipatchina dabie gital dake recruitment process-ko a·bachengtaichina aganaha.
Director of Accounts and Treasuries-na badi ka·doanio organisation, ‘department-ni niamgri ba niamrangko tik ong·e ja·rikgija kamo manderangko rakkiani a·sel a·dokni post-na kragipa candidate-rang cholrangko man·jaha’ ine janapaha.
“Senior System Administrator aro Assistant System Administrator-ni post-na mejaomangmang department, gital manderangko rakkiaha. Kamo rakkianio ja·rikgipa kamrangko name dake am·sa ndie niaon department, niamko ja·rikgija candidate-rangko rakkiaha ine nikna man·aha.”
Kamo manderangko rakkianio, Meghalaya reservation policy 1972-ni niamko pe·aha, sorkarini dongimin niamrangko nichanga, office memorandums-ni niamrangko aro gipin dongimin niamrangko pe·aha.
Uni gimin organisation, niamgri kamo rakkigipa manderangko ta·raken ra·galpilchina aro gital dake kamo manderangko rakkitaina dabiaha. MPSC-ni niam, reservation policy unbaksana P& AR Department-ni office circulars aro memorandums- rangko ja·rike  candidate-rangko rakkichina dabiaha.