SHILLONG: 2028 bilsio gital sorkariko chalaianide manderangni election-o badia party-ko seoka unosa pangchakaigen ine Robibar salo, Voice of the People’s Party (VPP) mikrakataniko on·angaha.
VPP-na ku·wattimgipa Batskhem Myrboh-ni aganani gitade, Meghalaya a·doko sorkariko chalaienggipa National People’s Party (NPP)-ko warachakenggipa party-de VPP-mangsan ong·aia aro iako NPP-ba ma·sienga.
2028 bilsini Assembly election-o VPP, sorkariko rikanio chu·sokgipa ong·jahaode, ma·mongo Bharatiya Janata Party (BJP) bilo ong·enga dipet Meghalaya a·doko NPP, sorkariko chalaiangna man·kuaigen ine Myrboh aganaha.
Da·o re·baenggipa bilsigni gisepo NPP, ong·gija kamrangko ka·gija mesokgenchimoba ian dikdiksanasan ong·aigen ine janapatengon, 2028 bilsini Assembly election-o a·dokni manderang, ong·gija dilgiparangko seokgenchimode da·ona changgni changgittam batpile, ong·gija kamrangko ka·ani cholrang donga ine VPP-ni dilgipa, mikrakataniko on·angaha.
Indakgipa somoirang a·dokona sokbaahaon, samtangtango ong·telaigiparang namjabatna a·bachenggnok, kangal cholgrirang namjabata obostarangko chagrongna nanggnok aro bilrangkoba chubata gadango donggipa manderangsan man·aignok ine Myrboh parakataha.
2028 bilsini Assembly election-ko name baseani somoi ine janapatengon, ia election-o manderangni dilgiparangko seokanian, Meghalaya a·dokko nambatatgenma ma namjabataona ra·anggen, ukode tik ka·ani gita ong·gen ine Myrboh aganaha.
2028 bilsio gital sorkariko chalaianide manderangni seokanio pangchakgen: VPP
Date:
Share post:
