TURA: 1917-1918 bilsirango First World War ba a·gilsak gimikni dakgrikanio kamrangko dakchake on·na gita France a·songona re·anggipa A·chik pagitchamrang ba Garo Labour Corps-ni bidingo segatna gita Preservation of Garo Cultural Heritage Research Committee (PCRHRC), am·sandianirangko dakengani gimin ua somoirango an·tangtangko on·kange re·anggipa A·chik pagitchamrangni bidingo maiba see rakkianirang, noksarang, chittirang, kamni lekkarang, official lekkarang ba Garo Labour Corps-o nangchakegipa maiba sakkirang donggenchimode, iarangko committee-ona sokatchina gita committee-ni membor secretary Cherian Momin u·iataha.
“A·gilsak gimikni dakgrikanio noktang songtangko wate, kam ka·na gita chel·begipa biapona re·anganio Garo Hills-ni A·chik pagitchamrangba Indian Labour Corps-ni ning·o bak ong·paaha. Uamang indita rakbegipa kamko ka·na an·tangtangko on·kange re·angahaoba, bang·bata pagitchamrangni nokdangrangko aro uamangni giminba tale ma·sina man·chipkujaenga. Ia itihasko talbate ma·sie ra·na aro uamangni kamrangko nambate mande ra·na man·na gita uamangni bidingo maiba see rakkianirang ba dingtang dingtang sakkirang donggenchimode, u·iatchina gita Research Committee mol·molatenga,” ine Momin parakataha.
Ia sakkirangko, researchcommittee
