TURA: West Garo Hills a·jani Phulbari jolrango niam gri teer dokkanrangko chalaienga ine Phulbari jolo donggipa dingtang dingtang dolrang, chong·motan GSU, ADE, FKJGP, NGCO, FAF, GOERA, AHAM aro CEPARD dolrang, West Garo Hills a·jani Superintendent of Police (SP)-na badi ka·doatenba, ia jolrango niam gri chalaienggipa teer dokkanrangko ta·raken chipatchina didiataha.
NGO-rangni parakatani gitade, Phulbari jolrango bang·bata teer dokkanrangkon maming licence grisa chalaiengani gimin sorkarina kajinarangko gamna nangjaenga aro ian a·dokna gimaaniko ra·baani gita ong·enga.
“Phulbari bazar, national highway aro badiaba badiaba biaprango bang·en teer dokkanrangko maming licence grisa chalaitokenga aro ia teer dokkanrang, Meghalaya Regulation of the Game of Arrow Shooting & Sale of Tickets Act-o on·gimin niamrangko pe·enga. Ia jolrango iandake niam gri teer dokkanrangko kuliani da·o batrorobaengani gimin ian ja·manchina kenchakna nanganiba ong·enga,” ine Phulbari jolni NGO-rang parakataha.
Indake ong·engon, Phulbari jolrango chalaienggiapa teer dokkanrangko re·ange nichina, sorkarini licence gri chalaienggipa teer dokkanrangko chipatchina aro mikkangchi ia jolrango niam gri teer dokkanrangko kulina man·jana gita nirokjringchina NGO-rang, West Garo Hills a·jani SP-ko didiataha.
Phulbari-o niam gri teer dokkanrangko chalaienga ine NGO-rang badi ka·a
Date:
Share post:
