SHILLONG: Meghalaya a·doko niam gri napsrukgiparangko champengna Inner Line Permit (ILP) gita dakgipa niamko on·na ma·mong sorkarini ku·rachakaniara tol·gipasan ong·aia ine Bristibar salo, a·dokni Congress dol matnangataha.
Meghalaya a·doko niam gri napsrukanirangko champengna gita adita salrangna skang ra·gatgipa Immigration & Foreigners Act 2025-o Inner Line Permit (ILP) gita dakgipa niamrangko on·dapna ma·mong sorkari ku·rachakaniko on·aha ine adita salrangna skangsan a·dokni Deputy Chief Minister aro Home (Police) Minister Prestone Tynsong parakatahachim.
Tynsong-ni parakatani gitade, adita salrangna skang, New Delhi-o Union Home Minister Amit Shah-ko New Delhi-o grongeani somoio, a·dokni Chief Minister Conrad K Sangma aro a·dokni gipin dilgiparang, ILP aro gital Immigration & Foreigners Act 2025-ko man·chape dingtang dingtang niamrangni bidingo chanchirimaha aro ia Foreigners Act-o ILP gita dakgipa niamrangko on·dapna Union Home Minister, ku·rachakaniko on·atahachim.
ILP gita dakgipa niamko on·na ma·mong sorkarini ku·rachakgipani bidingo aganchakaniko on·angengon, a·doko National People’s Party (NPP)-chi dilenggipa MDA sorkariara, BJP-ni ning·o chalaienggipa sorkarisa ong·aia aro jekon BJP agana, ukon MDA sorkariba aganpaaigen ine MPCC-ni president Vincent Pala matnangataha.
ILP gita dakgipa niamko on·na ma·mongni ku·rachakaniara ‘tol·gipasa’: Cong
Date:
Share post:
