DADENGGRE: Dadenggre Civil Sub-Division-ni ning·o donggipa damgittam GHADC constituency-rang, chong·motan 20-Raksamgre, 21-Naguapara aro 22-Jengjal constituency-rangna Garo Hills Autonomous District Council (GHADC)-ni Electoral Roll-rango pangchake, ia 2026 bilsini GHADC election-na Draft Photo Electoral Roll-rangko chapa ka·manaha ine Dadenggre Civil Sub-Division-ni Sub-Divisional Officer (Election) u·iataha.
Ia Electoral roll-rangko, Assam Meghalaya Autonomous Districts (Constitution of District Council Rules, 1951)-o pangchake tariaha aro ia electoral roll-ni copy-rangko, office-ni somoirango, Sub-Divisional office-o aro polling station damantionikon niena man·gen ineba Dadenggre SDO (Election) u·iataha.
01-01-2026 tarikko qualifying date dake electoral roll-rangko tariaha ine janapatengon, electoral roll-o biming on·dapna ba bimingo maikoba taridapna ba jegalna nanganirang donggenchimode, 04-02-2026-oni 18-02-2026 tarikona form 6, 7 aro 8-o gapate on·na man·gen ine Dadenggre SDO (Election) u·iataha.
Taridapna nangani ba jegalna nanganirangko on·gimin tarikni gisepon Returing Officer ba Sub-Divisional Officer ba polling station-tangtangni Booth Level Officer-na on·ena ba post gita watatna nanggen ineba Dadenggre SDO (Election) u·iataha.
