SHILLONG: Phulbari-oni Agia-ona four lane ramako tarina gita ta·rakale tangka-paisarangko chamatchina gita Deputy Chief Minister in charge PWD (Roads) Prestone Tynsong, Ma·mongni Ministry of Road Transport aro Highways-ko didiaha.
Assembly Budget Session-o mejalo sing·giparangna aganchakengon, bakrobee kaenggipa Dhubri Phulbari dolongko rika matchotna am·angengjok indiba mingsa neng·nikaniara nangdimeatgipa four lane ramako nangenga, Tynsong aganaha.
Dolongoni dakbaenggipa ramako apalatna nangenga, unigimin Agia-ona four lane ramako tarina gita ta·rake tangka-paisarangko chamatchina Ministry-ko didiatenga ineba ua aganaha.
Unaskang Tynsong aganengachim, project-rangni bidingo Sorkario maming politics kal·ani dongja, aro rama-sorokrangko a·dokni pilak biaprangon tarienga, Tynsong aganaha.
Meghalyao batanggimin 2000 bilsioni intal PMGSY-ko jako ra·anio baditana chu·sokgipa ong·ahachim, uarangni bidingoba Minister talataha.
PMGSY 1-ni ning·o , gimik gimang dam 1079 ramarangoni dam 1063-ko aro dolong ge 96-ko, kror 2605 tangkarangko koros ka·enba matchotataha. Indake da·o dongspa dam 16-koba ia bilsini gisepon matchotatgen, Tynsong aganaha.
PMGSY II-ni ning·o dam 94-oni dam 92 ramarako aro ge 12 dolongrangko kror 380 tangkarangchi matchotataha.
PMGSY III-ni ning·o, chamatgimin dam 141 ramarangoni dam 36 -ko aro adita dolongrangko kror 374 tangkarangchi matchotataha.
Indake da·alona PMGSY-ni ning·o km 5959 ramarangko Meghalayao tariaha ine Minister taldapataha.
Phulbari-Agia-ona four lane ramako tarina tangka bi·atenga: Tynsong
Date:
Share post:
