SHILLONG: New Delhi-o India AI Impact Summit 2026 ong·ani somoio Indian Youth Congress membor-rangni gita cholagri jegalgipa Chief Minister, Conrad Sangma jegalataha.
AI Summit tom·ao mejamangmang Congress party cholagri jegalaniko dakenggipa rasong grianiko mesoka ine Conrad Sangma aganaha.
“Indakgipa tom·anio dilgiparang aro political party a·songko rikna ku·cholsan ong·e chadengna nangchongmota, ian politics kal·ani biap ong·ja ine ua aganaha.
“Ian a·songni mikkim rasong ong·a aro India ong·aniko skanggipa mesoktna nanga,” ine ua aganaha.
Sikrobar salo New Delhi-o India AI Impact Summit 2026 tom·ani somoio Bharat Mandapam-ni Hall No. 5-ni ning·o cholagri Indian Youth Congress-ni sak 10 membor-rang Narendra Modi-ni kosako chrik a·bokangaha aro India-US-ni gisepgriko badingchiwalna namnikgrikaniko jegale aganangaha.
Jinmani mikkango jegalaniko dakgiparang jemangan jakkalgipa QR-code pass-ko jakkale napaha uamang Delhi Police rim·aha aro Tilak Marg police station-ona rimange sing·sandianiko dakenga.
AI Impact Summit-o Indian Youth Congress-ni cholagri jingjengatako CM Conrad jegalata
Date:
Share post:
