TURA: West Garo Hills, District Administration Tura jillani ning·o donggipa Local Development Committee (LADC)-rangna a·palchini re·bae rika cho·ani kamrangko ka·enggiparangna dongimin niamrangko name dake ja·rikchina agan-skie on·china ge·etaniko on·aha.
Deputy Commissioner Vibhor Aggarwal, LADC-rangko gittimtangtango tom·aniko ong·ate awareness program-rangko ong·ate da·ororo ong·enggipa obostarangni bidingo chadamberangna u·iate on·china ge·etangaha.
Iandake private ba sorkarini kamrang- jedake nok aro rama tariani kamko ka·e cha·na re·bagipa aro kam ka·na sapgipa manderangko champengna man·jawa maina ia project-rangara somoi gita matchotatna nanggipa kamrang ong·a ineba DC u·iataha.
Unigimin dingtang dingtang rika cho·ani kamrangko a·palchini kam ka·e cha·na re·bagiparang sakantian Labour Department-o ba Meghalaya Identification Registration (Safety and Security) of Migrant Workers Act, 2020-o an·tangtangni bimungko segatchina ge·etaniko on·angaha. Bimung segataniko Labour Department a·dokni police dol baksa nangrime name dake serikaniko dakanggen ineba West Garo Hills, District Administration u·iataha.
WGH District Admin a·palchini kam ka·e cha·na re·bagiparangko bimung segatchina ge·eta
Date:
Share post:
