SHILLONG: Adita salrangna skang, BJP-ko dilgipa Sunil Deodhar-ni Kristianrangni kosako kragija dake agangipani bidingo niaman ja·kurangko de·aigen ine Bristibar salo, a·dokni Chief Minister Conrad K Sangma parakatenba, uni agangipa kattarangko dal·e ra·jachina aro matnange rojachina manderangko didiataha.
Iandakgipa kattarangna Kristian sakantian ka·ode nangaigen ine janapatengon, Kristianrangde kema ka·anio bebera·giparangba ong·skaa ine Sangma aganaha.
“Uni agangipa kattarangko anga gualaha inede aganjaenga indiba uni kattarangna anga mamingkoba aganna nangani dongja maina sorkarian nanga gita ja·kurangko de·angaigen,” ine Chief Minister aganaha.
Kristianrangni kosako chonnike agangipa kattarangko Sunil Deodhar ra·pilna nanggen ong·jaode kema bi·na nanggen ine janapatskaengon, ia mandeni indakgipa kamrangchi Meghalaya a·dokni manderang, an·tangtangni bebera·aniko dimelatna nangja ine Chief Minister aganaha.
A·dok sorkari, pilak jat, torom aro songsalrangnan dakchakanirangko on·aha aro toromko dilgipa dolrangna dingtang dingtang scheme-rangkoba ra·gate on·aha ine janapatengon, a·dok sorkari Mawkhar-o Cultural Centre aro Smit-oba dingtang dingtang biaprangko tarienga ine Chief Minister parakataha.
Kristianrangni kosako agangipa mandeni kosako niaman ja·ku de·gen: CM
Date:
Share post:
