SHILLONG: Chief Minister’s Scholarship Scheme-ko re·baenggipa March 8 tarikonin sualna a·bachengna siengaha aro ia scheme-ni namgniko Meghalaya a·dok gimikni laksana baten chatro chatrirang, namgniko man·gen ine a·dokni Chief Minister Conrad K Sangma parakataha.
Ia Chief Minister Scholarship Scheme-ni namgniko man·na gita seoka man·gipa chatro chatrirang, an·tangtangni lekka porana bilsiprako gong 6000 tangkarangko man·gen.
Ia CM Scholarship Scheme-ko, Meghalaya Democratic Alliance (MDA) sorkarini bilsichet gapaniko maniani bak gita a·bachengatjolgen ine u·iatengon, ian MDA sorkarini, a·dokni manderangna dangdike on·anio mingsa chu·sokaniko mesokani ong·gen ine Chief Minister parakataha.
Ia CM Scholarship Scheme-ko a·bachengatani miksonganiara, a·dokni dingtang dingtang biaprango poraienggipa chatro chatrirangko didina aro chatro chatrirangni lekka porako ra·anio chagrongna nangenggipa neng·nikanirangko komiatna miksonganian ong·enga ineba Chief Minister parakataha.
