KHARKUTTA: Birth Certificate-ko taria-nio songni nokni mande-rang, mongsongbate diltugipa biaprango donggipa manderang neng·nikani-rangko chagrongna nang-rongani gimin songni nokni manderangna Birth Certificate tarianio kamrangko altubatatna gita Bristibar salo, Special Birth Certificate Camp-ko North Garo Hills a·jani Kharkutta Block ning·o donggipa Bolmedang songo ong·atangaha.
Ia Special Birth Certificate Camp-ko ong·-atanichi, Bolmedang aro samba jolrango donggipa dingtang dingtang songni manderang, sak 70-na baten Birth Certificate-rangko tarie ra·rikna man·aha ine kobor on·aha.
Ia sal somoirango sorkarini dingtang dingtang scheme-rangko aro namgnirangko man·na gita Birth Certificate-ko nangchongmota aro uasan ong·aigija chubata gadangrango poraidapangna gita chadamberangba Birth Certificate-ko nangtelgipa ong·ani gimin ia Birth Certificate Camp-ko Bolmedang songo ong·ataniara, Bolmedang jolrango donggipa manderangna, mongsongbate chadamberangna dingtangmancha namgni ong·aha.
