SHILLONG: A·dokni namroro-silroroanina aro tang·doanina Meghalaya sorkari Sonibar salo Flagship Scheme-ni gita kror 130 tangkako wataha.
Chief Minister Conrad K. Sangma, Agriculture and Farmers’ Welfare-ni Minister Timothy D. Shira aro MLA Celestine Lyngdoh-mang Shillong Polo Groud-o ong·atgipa programo bakko ra·angao sak 3,000 benefeciary-rangna aganprakaha.
FOCUS+, GREEN Meghalaya+, LIFCOM, Floriculture Mission, aro CM ELEVATE scheme-rangna tangkako watanichi sak 27,000 baten manderangna aro ge 235 farmer cooperatives-na namgni ong·aha.
Tom·anio Chief Minister, CM ELEVATE scheme-ni gita ge 128 MegLIFE Community Halls, ge 34 warehouses, aro ge -4 Common Facility Centres-rangko oprakate on·angjolaha.
Ma·mong sorkarini a·bachenggipa scheme-rang baksa a·dok sorkari ming 30 baten scheme-rangko jolni manderangna parakaha, uarangchi lak 8 -na baten manderang namgnirangko man·enga.
FOCUS+-ni ning·o, ia bilsi March 4 tarikonin sak 24,482 beneficiary-rang kror 6.04 tangkako man·aha. Sakprak memborna 5,000 grant-ko on·aha.
GREEN Meghalaya+-ni gita, sak 27,719 beneficiaries, kror 25.54-ko man·aha.
LIFCOM, jolni enterprise aro game cha·giaprangna dakchakna kror 27-oni kror 235 cooperatives-ko a·palbataha. Floriculture Mission, kror 22 tangkako sak 320 beneficiary-rangna on·aha.
CM ELEVATE-ni ning·o, sak 180 entrepreneur-rangna dakchakna gita lak 76 tangkako wataha.
