SHILLONG: Foreign funding regulation ba gipin a·songrangoni tangka on·gilaniko ra·chakanio bang·gija niamrangko dingtangatna miksonganiko jegale All India Catholic Union (AICU) ku·rangko on·enba ma·mong sorkariko Foreign Contribution (Regulation) Amendment Bill, 2026-ko ra·galchina mol·molaha, ia bill-ara religion freedom aro minority protection-ni kosako re·ani ong·a ine aganaha.
Ia bill-ko March 25, 2026-o Lok Sabha-o parakataha. Mande, associations aro company-rang gipin a·songrangoni tangka on·gilatgiparangko maidake ra·chakenga aro ua tangkarangko maidake jakkalenga, iarangko u·ina ba nirokna gita bill-ko parakataha.
Indiba ma·mong sorkari, iandakgipa ja·ku de·aniko AICU, raken jegalenga, Christian-rang ia gital bill-ko maming saloba ra·chakjawa ine agane, ia bill-ko bon·atsrangchina dabiaha. Unbaksana giljani chalaigipa institution-rang aro gamrangko ma·mong sorkarini ning·o napatjachina ka·donganiko on·china dabiaha.
Iarangni gisepon AICU, batanggimin bilsi 2025-o Christian-rangni kosako ong·atgipa ming 700 baten obostarangko janapataha. Dingtang dingtang a·dokrango Christian-rangko kal·ake duk on·e roanirangko unbaksa tom·dakanirangko champengani giminba janapataha.
