TURA: Gipin a·songrangoni re·baenggipa manderangko sokachakenggipa manderang, hotel-rang aro dingtang dingtang institute-rangko, iandakgipa manderangni sokbaaoni konta 24-ni gisepon police-rangna report-ko on·china ba u·iatchina gita West Garo Hills a·jani Superintendent of Police (SP) ge·etaniko on·ataha.
West Garo Hills a·jani SP Abraham T Sangma-ni u·iatani gitade, Immigration and Foreigners Act, 2025 aro Immigration and Foreigners Rules, 2025-ni ning·o dongimin niamrang dongani gimin gipin a·songrangoni re·bagipa manderangko skango Form ‘C’ ine jakkalgipa Form-III-o gapatna nangchongmotaha.
Ia ge·etani, manderangna dongchakaniko on·gipa biaprang, jekai hotel, guest house, lodge, homestay, nok para, hostel baksana skul, college, hospital aro uandakgipa institute-rangnaba ong·gen ine SP u·iataha.
Ia niamko, Indian Immigration Laws-ko ja·rikna aro a·songko chel·chakna kam ka·anio bakrimaniko on·na gita pilakan ja·rikna nanga ine u·iatengon, gipin biaprangoni re·baenggipa manderangni gimin Bureau of Immigration portal gita pilak nanganirangko u·iatchina SP didiataha.
Ia ge·etaniko manijagenchimode ba somoi gita u·iatanirangko on·jagenchimode dongimin niamrango pangchake sastirangko man·ani cholrang donga ineba SP mikrakataniko on·angaha.
Gipin a·songrangoni sokgiparangko police-rangna u·iatchina ge·eta
Date:
Share post:
