TURA: Human Development Leadership Programme (HDLP), South West Garo Hills a·jani, Rerapara Block-ni ning·o donggipa Marakapara songo songdongenggipa manderang baksa tom·aniko ong·atangenba, dingtang dingtang department-rangoniko man·enggipa schemes aro namgnirangni bidingo agan-talate on·angaha.
Program-ko Child Development Project Officer-Integrated Child Development Services (CDPO-ICDS)-ni dilanganichi Block Development Officer (BDO), Junior Rural Development Officer(JRDO), Block Program Manager-National Health Mission(BPM-NGM) Block Project Manager-Meghalaya State Rural Livelihoods Society (BPM-MSRLS), Gramsevak, Mission Vatsalya representatives,District Program Manager-Early Childhood Development (DPM-ECD), Anganwadi Woker (AWW), aro Accredited Social Health Activist (ASHA) woker-rang baksa ong·ataha.
Ia tom·anio songni manderang baksa agangrikangaon, dingtang dingtang department-ni gita schemes aro uamangni department-rangni gita man·enggipa namgnirangni gimin chu·gimik agan-talatangaha. Indake DPM-ECD, Early Childhood Development-ni dingtang dingtang dakchakanirangko on·nani bidingo aganangengon, CDPO, Early Childhood Development-ni bak ong·gipa songni manderang baksa nangrime dakna nanggni kamrangni bidingo agane on·nangskaha.
Una agreba Rerapara-ni Block Development Officer, jolni manderang baksa agangrikangao, uamangni neng·nikarangniko parakchina didiangaha aro department-rangoniko namgnirangko jolo songdongenggipa manderang man·ama man·jaenga ukoba jolni manderangoniko u·i-ma·sie ra·anio pangchake pilak department-rangkon nipiltaianganikoba dakangaha. Tom·ani matchota ja·man, BDO baksana gipin bak ra·anggiparang dolrang, jolo dakchakanirangko nangenggipa nokdangrangkoba re·roroe nirokangjolaha.
