AMPATI: South West Garo Hills a·jao Tuberculosis (TB), high blood pressure aro diabetes man·gipa manderangko seng·gnang ma·sina man·na gita April-ni 15 tarik Budbar salo, Intensified Screening Drive-ko Ampati-ni Deputy Commissioner (DC) Office-o ong·atangaha.
Ia Intensified Screening Drive-ko ong·ataniara, jagittamna, South West Garo Hills a·jani dingtang dingtang department aro office-rango 100 Days TB Campaign & NCD Screening Program-ko ong·atani bakan ong·a.
Ia program-ara, manderangna an·seng baljokaniko on·na gita TB, high blood pressure aro diabetes donggipa manderangko ma·sie, seng·gnang sanna bananiko on·na miksonganian ong·enga.
Porikkarangko ra·e niani bidingo maiba u·iatani ba dakchakanirangko nanggenchimode, joltangtango kam ka·enggipa ASHA ba ANM worker-rango sing·sandichina gitaba, jolo songdongenggipa manderangko health official-rang didiataha.
Ia screening drive-ko National Health Mission-ni gita ong·atenga.
