SHILLONG: Bimingni a·selsa Umiam Lake-ni Lumpongdeng Island-o rikna tik ka·gipa hotel aro spa-ko Green Tech Foundation (GTF) jegale, ja·mano ia project-ko sorkari den·galpilna nangaha ine Bristibar salo, Meghalaya Pradesh Congress Committee (MPCC)-ni president Vincent Pala, an·tangni chanchichipenganiko parakatenba, Shillong songjinmako ‘sex city’ ine biming donanina Voice of the People’s Party (VPP)-ni president Ardent Basaiawmoit-koba matnangataha.
India gita jakgitel ong·gipa a·songode VPP, Secretariat-onaba re·jomangna bil dongaia ine janapatskaengon, Syiem-rang aro Himarangba dingtang dingtang neng·nikanirang dongani gimin bakan Secretariat-ona re·jomangani cholrang donga ine Pala parakataha.
Pala-ni aganani gitade, Umiam Lake-o rikna miksongenggipa hotel-ni bimingko ma·sisretani a·selsa a·dok sorkari, VPP aro Green Tech Foundation-ni gisepo jera ra·grikani ong·katahakon ine ua chanchichipenga.
“Taj aro Spa-de hotel-ni bimingsanchim aro an·chingni MLA Charles Pyngrope-ni hotel-koba ‘Windermere & Spa’ ine mingachim,” ine MPCC-ni president aganaha.
Shillong songjinmani bidingo agangipa kattarangna VPP-ni president-ko matnangatskaengon, Shillong-o mandeni jelbra jelsuani lak 5-na bataha aro indita sak manderangoni sak 100-mangni ong·gija dakaiani giminde Shillong songjinma gimikko ‘sex city’ mingna man·jawa ine Pala aganaha.
“Ia kattako agananio anga an·tangde VPP-ni president-na chakjawa maina da·ororo chatro chatrirang, kam ka·e cha·giparang aro gipinrangba dingtang dingtang biaprangoni Shillong-ona re·baenga aro iandakgipa kattarangna uamangba kusi ong·jawa,” ine Pala aganaha.
Lumpongdeng Island-o sorkarini rikna manchigipa hotel-ni gimin sing·anina aganchakaniko on·angengon, Meghalaya a·dokna hotel-rangko aro private company-rangko nangdapengkua maina iandakgipa kamrangchisa a·dokni manderangba kamrangko ka·e cha·na cholrangko man·gen ine MPCC president parakataha.
“Indiba ia project-ko sorkarini GTF-na watgale on·aniara, janggilo maiba donganiko mesokani ong·a,” ine Pala aganaha.
Lumpongdeng project-ni bidingo bimingni a·selsa ma·sisretani ong·katakon: Pala
Date:
Share post:
