AMPATI: Air Raid ba dinggrikani somoirango sildorerangchi chadrapanio dakna nanggni kamrangko tarisamsona aro manderangna u·iatna gita Sukrobar salo, South West Garo Hills a·jani District Disaster Management Authority (DDMA), Civil Defence & Home Guards baksa nangrime, ‘Air Raid’ aro ‘Blackout’-ni bidingo Mock Exercise-ko ong·atangaha.
Ia Mock Exercise-ko Ampati-ni Chengkom Medik Secondary School, Ampati Bazar aro Ampati Mothers Union Secondary School-o ong·atangaha aro ia mock exercise-o medical, civil defence aro dingtang dingtang dolrang bak ra·angtokaha.
Walni somoio, ‘Blackout’ ba light-rangko kimitna nanganikoba attam 7:00 bajioni 7:02 bajiona minute-gnina ong·atangaha.
