SHILLONG: April-ni 25 tarik aro April-ni 26 tarik walni gisepo, East Khasi Hills Police, Shillong songjinmani dingtang dingtang biaprango, gari gora salruraanirangko nirokenba, niam pe·giparangoniko gong lak 2.46 tangkarangko dai dake man·aha ine u·iataha.
Police-rangni u·iatani gitade, ia walsani gisepon, ming 194 niam pe·anirangko rim·a man·aha aro ia niam pe·giparangoniko dai dake ra·anio gimik gong lak 2.46 tangkarangko man·aha.
Ia nirok sandianiko, East Khasi Hills a·jani Superintendent of Police (SP), City/Traffic-ni SP aro Additional SP-ni dilanichi, Shillong songjinmani Sadar, Laitumkhrah aro Lumdiengjri sector-rango dakangaha.
“Walni somoirango traffic-ni niamrangko pe·anirang batrongani gimin ia walni bako, dingtang dingtang biaprango police dolrangko done, niam pe·giparangko sandirokangaha aro bang·en niam pe·giparangko rim·na man·aha,” ine East Khasi Hills a·jani SP aganenba, iako police-rang, manderangna naljokaniko on·na miksonganiosa dakaha ine parakataha.
Traffic-ni niamrang, jekai churing chupeke gari salani, gariko niam gri taridapani, garini glass-rangko andalate tariani, gari lekka, driving licence aro uandakgipa Motor Vehicles Act-ni niam pe·anirangko police-rang sandirokangaha.
“Police-rangni sandirokanio, ming 194 niam pe·anirangko rim·na man·aha aro gimik gong 2,46,000 tangkarangko dai dake man·aha,” ineba SP parakataha.
Ia kamko ka·anio sak 100-na baten sipairangko jakkalaha ine u·iatengon, ia kamo Traffic branch-rangni aro police station ge·antini OC-rang jako ra·e kam ka·aha aro naka point damprakon, gazatted officer-rang nitimaha ine SP parakataha.
Mikkangchiba ramarango a·sel ong·anirangko komiatna aro manderangna naljokaniko on·na gita police-rang, iandakgipa kamrangko ka·angkuna miksongenga ineba SP parakataha.
EKH-o traffic-ni niamko pe·anina walsanon lak 2 batpile daiko man·a
Date:
Share post:
