TURA: Garo Hills-ni bakrango donggipa Deficit School-o skienggiparang, Cabinet-ni ra·chakanggipa Meghalaya Non-Government Schools and Colleges Employees Centralised Provident Fund Scheme 2026 -ko ra·chakna man·gijaniko parakatenba knal salni bako skul tangtango Poster Campaign ko ong·atangskagen.
Jinma chanchirimange Sombar salo jingjengatangna ttik ka·aha. CPF Scheme Act 2026-ko Meghalaya a·doko donggipa pilak Non-Government Schools and Colleges-o ra·chakaha.
Ian ru·uta bilsirangoni chadamberangna skie on·enggipa skigiparangna uamangni kamoni neng·taka ja·man chel·chakna cholko champenggipa ong·a ine saksa a·gipi skigipa aganaha.
Indake Garo Hills Deficit School-o skigiparang bilsi 2010 na skang Deficit School aro College-o skigipani kamna rimnapako man·gipa manderangna bilsi 2023 ni Pension Scheme kon ra·gatangchina u·iate, bilsi 2010 ja·man skigipani kamna rimnapa man·giparangna National Pension Scheme-ko niamo pangchake ra·gatangskachina a·dok sorkario dabiangskaha.
Ia Poster Campaign ko ong·atnasiengon ian songsalni manderangna mikrakataniko on·anga baksana jegalenggipa skigiparangni jingjengataniko dakna skang 2026 Act ni bidingo a·dok sorkari nipiltaianiko dakchina mol·molenba, Meghalaya CPF Pension Scheme Act, 2026 mikkangchi Deficit School-ni skigiparangna maming namgniko ra·bagipa ong·jawa ine parakanga.
GH Deficit School-ni skigiparang poster campaign-ko ong·atna tik ka·a
Date:
Share post:
