Kolkata: (IANS) Sonibar salo Suvendu Adhikari-ni West Bengal-ni Chief Minister-na ku·mikchetaniona Meghalaya-ni Chief Minister Conrad K Sangma, Assa-ni CM Himanta Biswa Sarma, Tripura-ni CM Manik Saha, Arunachal Pradesh-ni CM Pema Khandu, Nagaland-ni CM Neiphiu Rio, Sikkim-ni CM Prem Singh Tamang aro Manipur-ni CM Yumnam Khemchand Singh- uamang bakko ra·angtokaha. Kolkata-ni Brigade Parade Ground-o ku·mikchetangaha.
West Bengal-ni Governor R.N. Ravi, Chief Minister Suvendu Adhikari aro uni Council of Minister-rangko ku·mikchetdilangaha.
Salgro salaram jolni a·dokrangni Chief Minister-rang, West Bengal-o Bharatiya Janata Party-ni sorkari rikchenganiko itihaso gisik ra·kamnagipa ine aganaha.
Meghalaya-ni Chief Minister aro National People’s Party-ni chief Conrad K. Sangma, jean Kolkata-ona CM-ni ku·mikchetaniona bakko ra·angna sokangaha, ua social media-o indine seataha, “West Bengal-o BJP sorkari re·baaniara mikkangchina a·dokni manderangna namgnina ong·china ine aganaha. Suvendu Adhikari, West Bengal-ni skanggipa BJP CM ong·e ku·mikchete a·doko BJP sorkariko rikchengaha. India jakgittel man·chengaoni ian skanggipa BJP sorkari rikaha. BJP, election-o chee, TMC-ni bilsi 15-na sason ka·aniko bon·ataha.
