SHILLONG: PHE department-ni gong kror 1900-mang ong·gipa project-rangko, Hyderabad-ni company-na mikkang nitee on·a ine matnangako a·dokni PHE Minister Marcuise N Marak jegalatenba, ia project-rangko tender-ni niamrango pangchakesa aro niamrangko ja·rikesa on·aha ine parakataha.
Shillong Times-ni RTI ka·e am·sandianio, bang·bata dal·dalgipa project-rangkon BAC Infratech Pvt Ltd company-nasa on·aha ine ma·sina man·ani ja·man dingtang dingtang dolrangni matnanganirangko jegalatengon, badiaba company-nasan a·dok sorkari, mikkang nitee, kamrangko on·enga ine matnanganiara kakket ong·ja ine Marak parakataha.
Contract-rang, mongsongbate ma·mong sorkarini scheme-rango pangnan department, niamrangko ja·rikesa kamrangko on·enga ineba Marak aganaha.
PHE Minister-ni parakatani gitade, Jal Jeevan Mission (JJM)-mangmangni project-rangan, dingtang dingtang skulrangna, Anganwadi centre-rangna aro gipin sorkari institute-rangna chi pipe-rangko sale on·ani baksana ming 3762 scheme-rango gong kror 6,737.14 ong·a aro ia project-rangko, PHE department-ni Commissioner & Secretary-chi dilenggipa tender committee-ni nirokaniosa, dingtang dingtang contractor aro company-rangna suale on·enga. Ia tender committee-o Finance aro Law department-ni official-rangba bak ong·a ineba ua aganaha.
RTI-na talatanio, project-rangko ia company-an man·aha ine mesokenggen indiba ia project-rangko ‘mikkang nitee’ on·a ong·ja aro niam gita tender-ko ja·rikesa on·aha ineba Marak parakataha.
JJM, JICA, AMRUT 2.0, NESID aro gipin scheme-rangni ning·o donggipa project-rangko India sorkarini dongimin niam gita Engineering, Procurement aro Construction (EPC)-ni ning·osa chalaienga ineba PHE Minister parakataha.
Company-na ge·sana mikkang nitee kam on·a inako PHE Minister jegala
Date:
Share post:
