SHILLONG: India-o antisa skangmangmang parakatgipa Cockroach Janta Party, social media-o bilongen jingjengatenga. Indake da·ora Meghalaya-oba apsan daken social media-o ta·raken giproroenga.
Cockroach Janata Party-ni king- 3-4 page-ni Instagram-ko kuliaha. CJP Meghalaya-koba sak 3500 follower-rang dongaha.
Indake ong·engon Meghalaya Secretariat-oni darang saksamangmangba politician iani bidingo mamingkon aganna jechakaha.
Cockroach Janta Party, adita salrang skangsa uamangni Istragram page-ko kuliaha, uan da·o 21 million followers man·aha. BJP-na batangaha.
Kobor ra·timgiparang CJP Meghalaya (official)-ni mikksonga ba chanchisoanirangko u·ina jotton ka·e sing·anirangko sing·ahaon page-ko kuligipa admin, uamangni u·iatanirangko parakna jechakaha indake uamangni miksonganiara chadamberangna kam on·nani, tangka cha·bokanirangko bon·atna, gimik kamrangko parak ong·aniko donna nangnikaniko aganaha.
“CJP-ara ramram manderangni system-o ka·donganirang dongjani a·sel ka·onange nakatgipa ong·a. Election-o bang·a kamrangko ka·e on·na ku·rachaka indiba election matchotahaode ramram manderangni neng·nikarangko knachakja.
Meghalaya-o account-ko kuliani salsaon sak 1,500 baten manderang bakrimaha, uamangoni badita sakrang Meghalaya-oni ong·a iako u·ija maina chinga dingtang dingtang bakrangoniko chakpaaniko man·enga ine admin aganaha.
Iarangni gisepon admin, sorkarini gimik kamrangko tangka paisako jakkalanio parak ong·aniko nangnikaniko aganaha.
Minggipin BJP, iani bidingo mamingkon aganna jechakaha. Congress party-ara ‘ian chadamberangni ka·onanganiko mesokenga ine aganskaha.
