SHILLONG: Khasi aro Garo-ko Central Board of Secondary Education (CBSE) Scheme-o Studies-o napataha. Indake bakrimgipa school-rangna 2026-2027 academic session-oni ia minggni joltangni ku·sikrangko optional third-language subjects dake skie ra·na cholko on·aha.
Ia gital ra·gatgipa language list-ko CBSE OASIS portal-o wataha. Board-ni gital tarigipa (revised) 3-language structure (R1-R-2-R3)-ni ning·o Khasi aro Garo-ko serial numbers 46 aro 47-o donataha. National Education Policy (NEP) aro National Curriculum Framework (NCF)-ko ja·rikanio ia gital structure-ko ra·gataha.
CBSE-ni revised language policy-o Khasi aro Garo ia minggni ku·sikrangko recognised subject framework-o watchangani gimin Meghalaya-o jajrenganirang nakatani ja·man iandakgipa ja·ku de·ani sokaha. A·dok sorkari, ia mamlako CBSE authorities baksa agangrikaha aro Khasi Garo-ko napatchina mol·molaha.
Board-ni official portal-o gital revision-ko mesokahani gimin da·ode Meghalaya-o donggipa ge 100 baten CBSE bakrimgipa school-rango Khasi aro Garo ku·sikrangko poraina chol man·gnok. CBSE, bakrimgipa school-rangko OASIS portal-o gital policy framework-ko update ka·china ge·etaha.
Khasi Garo ku·sikko CBSE-o napataniara national school education system-o Khasi aro Garo ku·sikrangna dal·bate institutional recognition-ko on·gen unbaksana Meghalaya-o jakkalgipa ku·tangko nambate skie ra·na cholko on·gen.
