Ampati: Block Development Officer, office Rerapara C&RD Block, State Rural Employment Society – Block Implementing Division (SRES-BID), Community & Rural Development Department, Meghalaya sorkarini gita, May 25 tarikoni May 29 tarikona Rerapara Block-ni ning·o ga·akgipa dingtang dingtang DA-JGUA songrango IEC Campaign and Beneficiary Saturation Program-ko ong·atanggen. Ia programko a·songni gimik bakrangon ‘Jan Bhagidaari- Sabse Door, Sabse Pehle’ ingipa katta ja·pangko done ong·atenga.
Ia campaign-ko ong·atani miksonganiara sorkarini parakatgipa dingtang dingtang welfare scheme-rangni gimin tribal community-rangna u·iate on·na ong·a. Jedakode song gimikonan beneficiary saturation-ko sokatna man·gen. Ia programo health, education, agriculture, horticulture, rural development, power, fisheries, veterinary services, employment, public distribution system, aro bakrimgipa department-rangni officer-rang bakko ra·anggen.
Tik ka·gimin somoini gita, Rerapara C&RD Block-ni ning·o ga·akgipa dingtang dingtang songrango awareness camp-rangko ong·atgen.
May 25 tariko, Batch-I -o napgipa songrangara- Boiragipara, Gandhipara, Balapara aro Tangabari songrang ong·a. Programko pring 10 bajioni atam 4 bajiona Boiragipara LP School-o ong·atgen. Batch-II -Dumnigoan, Sonamite, Rangsakona, Jaluagre aro Chigitchakgre songrangna apsan somoion programko Rangsakona Community Hall-o ong·atskagen.
May 26 tarik, Batch-I – Bongpara, Wakantagre, Adugre, Jamanggre aro Sankarigre songrangna programko Bongpara Community Hall-o ong·atgen. Batch-II -Nogapara, Balnangre, Ganglangre aro Madhupara songrangna Nogapara LP School-o dongen.
May 28 tariko Dengnakpara, Grenggandi, Rongchadenggre aro Dombagre songrangna awareness programko Dengnakpara LP School-o ong·atgen. Indake Lower Damalgre LP School-o Lower Damalgre aro Chimisengre songrangna programko ong·atgen.
Bon·kamgipa ba final batch-ko May 29 tariko Baghmara, Nokatgre aro Dorambokgre songrangna Nokatgre LP School-o ong·atgen.
Block Development Officer, Rerapara C&RD Block, gimik department-rangkon ia programo bakko ra·china mol·molataha.
