Meghalaya-o kror 150-ni High-Altitute Training Centre-ko songgen
SHILLONG: Meghalaya, chang 39-gipa National Games-ko sokchakna tarisoengon ma·mong minister Dr. Mandaviya, tarisoanirangko nipilangaon dal·dalgipa ba mongsonggipa infrastructure-ko songna parakatjolaha.
Sonibar salo tom·aniko Chief Minister Conrad K Sangma dilangaha, jeon Minister of State for Youth Affairs & Sports Raksha Khadse, IOA President P.T Usha, Meghalaya Sports Minister Wailadmiki Shylla, salgro salaramni damchet a·dokrangoni sports officer-rang, Union Ministry of Youth Affairs & Sports-ni officer-rang bakko ra·angaha.
39-gipa National Games-ko sokachakengon, kal·susaanirangko sokachakanisan ong·aijawa indiba a·dokni daka-rikani bewalrangko, Meghalaya-ni nitoaniko mesokna gitaba chol ong·gen, uni gimin nambatgipa sporting infrastructure-ko nanggen unbaksana ia Games-ko sokachakaniko chu·sokatna gita jinma manderangni bak ra·paaniko nanggen ine Dr Mandaviya aganaha.
“Iarangni gisepon athlete-rangni gisepo pekgipa ringanirangko jakkalaniko champengna gitaba ia National Games-ko mingsa chol gita jakkalna man·gen. Athlete-rangna doping ba pekatgipa ringanirangko jakkalanio namgijaniko u·iatna nanggen.
National Games-ko sokachakanio MY Bharat-ni volunteer-rang dakchakaniko on·gen ineba Minister aganaha.
Uni gisepon tom·anio Minister-na a·dokni sports infrastructure projects, aro 39-gipa National Games 2027-o sokachakna gita chu·gimik tarisoanirangko tal·e che·em che·em dake presentation-ko mesoke on·aha.
Dr. Mandaviya, Meghalaya-ona salgittamna wenbaaha, indake Sonibar salo Multipurpose Integrated Sports Indoor Hall-ko oprakate on·aha.
Unbaksana Meghalaya-o ta·raken kror 150 damni world class High-altitute training centre-ko songgen ineba parakatjolaha. Chief Minister Conrad Sangma-ko a·dokni sports sector-ko ra·dona dingtang dingtang ja·ku de·anriangna de·mittelaha.
Mehalaya a·doko sports-ni a·bao changgipa sapgiparang bang·bea, uni gimin Games-ko sokachakaniara sports-o gisik nanggiparangna uamangni changa sapanirangko mesokna namgipa chol ong·gen ine Minister agandapaha.
