SHILLONG: West Garo Hills-o re·baenggipa Sobribari Village Employment Council (VEC) election-o Smti Ambiya Begum-ko bak ra·ako champengatgipa ge·etaniko Meghalaya High Court, ra·chakna jechakaha.
Chief Justice Revati Mohite Dere aro Justice W. Diengdoh-mangni dilanggipa bench, Ambiya Begum-ni June 4 tarik 2026-o on·gipa raiko ra·bie mol·molaniko on·gipa mamlao hearing ka·ange ia raiko on·aha. June 4 tariko Single Judge, WP(C) No. 242, 2026-o election-o bak ra·na champengate raiko on·ahachim indiba uko namnikjae ba ra·chakna man·jae Ambiya Begum, mol·molaniko on·taiaha.
Hearing ka·mitingo Addittional Advocate General N.D Chullai, June 5 tarik 2026-ni chittiko court-o on·aha. Jekon West Garo Hills, Selsella C&RD Block-ni Block Develpment officer aro MGNREGS-ni programme officer on·aha. Ua chittio Ambiya Begum-ni VEC election-o chakatanina maming neng·nika ba champenga donga ine janapaha.
Ua chittiko nianga ja·man, Division Bench, May 25 tarik 2026-o Block Development Officer aro Programme Officer-ni on·gipa ge·etanio jeon Ambiya Begum-ko Sobribari VEC election-o chakatna champengatachim, ua ge·etaniko ba order-ko ra·chakjaha. Indake court, ua mamlako bon·ataha.
Smti Ambiya Begum-ko VEC election-o chakatna champengatako court, ra·chakja
Date:
Share post:
