TURA: Batanggimin salrango GHADC election-ni mamlao Garo Hills-o jatgni nanggrikani a·sel a·bri jolrangona rorirangni skatang song-nokona nape niamgri bading-chiwalanirangko champengatna gita rakgipa niamrangko donangaha. Indake, West Garo Hills a·jani, Chibinang jolo donggipa Bikonggre songona rorirangni re·bae bading chiwalaniko dakna am·enganiko champengangkuna gita Bikonggre songni manderang baksa Nokma-Sanirang aro dingtang dingtang NGO-ni dilgiparang apsan chanchirime tik ka·angaha. Indake ia tom·anio Demdema Block-ni BDO Dr.Rikrak N. Marak, Dadenggre-ni SDPO Randa A. Sangma mangba chanchirimanio dongpaaha.
Uamangni chanchirimanio, Garo Hills-ona rori manderangni niamgri skatang napbae bading-chiwalanirangko dakenganiko raken jegalangaha aro mikkangchiba iako raken champengangkuna gita tik ka·aha. Uni gisepon, batanggimin somoio jatgnini gisepo kajia ong·a somoionin A·chik dilgipa sakgni, Johny A. Marak aro Balkarin Ch. Marak-mangko pattoko chipataonikon da·onaba watkujaenga ine suk ong·gijaniko parakengon, an·chingni A·chik dilgiparang iandakgipa a·sel obostarangko chagrongna nangengo chinga maikai rorirangko skatang niamgri A·chik a·songni a·bri jolo bading-chiwalaniko dakna on·na man·gen ineba sing·doaha. Indake da·omiting, Garo Hills-ni antidamrango bang·bea A·chikrangni dake rim·e cha·aniko nikna man·engaha, jatni bading-chiwalani aro janggi tangani gadangrangni tang·doenganikoba nikna man·engaha ine aganengon, da·o rorirangna bading-chiwalna chol on·taiode, A·chik manderang neng·nikaniko chagrongna nangtaigen ineba NGO dilgiparang kenchakaniko parakaha.
Una agreba, Garo Hills-o sorkarini dingtang dingtang rika cho·ani kamrangko ka·atna labour-rangko rimbaengon, highly skilled ba dingtangmancha changgipa-sapgipa labour-rangkosan rimbae, jugalirangkode A·chikrangko rimnape kam ka·atskachina gitaba NGO-rang didiaha.
Bon·kamao, sorkarini pal ong·e tom·anio dongpae bakko ra·anggiparangoni Demdema Block-ni BDO Dr. Rikrak N. Marak, Nokma-sanirangni, NGO dilgiparangni aro jolo songdonggipa manderangni talataniko knarike, mikkangchiba iandakgipa obostarangni bidingo chanchirimaniko dakna nanggenchimode, apsan ku·mong nangrime kamrangko ka·angna kusi ong·begen ine ku·rachakaha.
Uamangni chanchirimanio, Garo Hills-ona rori manderangni niamgri skatang napbae bading-chiwalanirangko dakenganiko raken jegalangaha aro mikkangchiba iako raken champengangkuna gita tik ka·aha. Uni gisepon, batanggimin somoio jatgnini gisepo kajia ong·a somoionin A·chik dilgipa sakgni, Johny A. Marak aro Balkarin Ch. Marak-mangko pattoko chipataonikon da·onaba watkujaenga ine suk ong·gijaniko parakengon, an·chingni A·chik dilgiparang iandakgipa a·sel obostarangko chagrongna nangengo chinga maikai rorirangko skatang niamgri A·chik a·songni a·bri jolo bading-chiwalaniko dakna on·na man·gen ineba sing·doaha. Indake da·omiting, Garo Hills-ni antidamrango bang·bea A·chikrangni dake rim·e cha·aniko nikna man·engaha, jatni bading-chiwalani aro janggi tangani gadangrangni tang·doenganikoba nikna man·engaha ine aganengon, da·o rorirangna bading-chiwalna chol on·taiode, A·chik manderang neng·nikaniko chagrongna nangtaigen ineba NGO dilgiparang kenchakaniko parakaha.
Una agreba, Garo Hills-o sorkarini dingtang dingtang rika cho·ani kamrangko ka·atna labour-rangko rimbaengon, highly skilled ba dingtangmancha changgipa-sapgipa labour-rangkosan rimbae, jugalirangkode A·chikrangko rimnape kam ka·atskachina gitaba NGO-rang didiaha.
Bon·kamao, sorkarini pal ong·e tom·anio dongpae bakko ra·anggiparangoni Demdema Block-ni BDO Dr. Rikrak N. Marak, Nokma-sanirangni, NGO dilgiparangni aro jolo songdonggipa manderangni talataniko knarike, mikkangchiba iandakgipa obostarangni bidingo chanchirimaniko dakna nanggenchimode, apsan ku·mong nangrime kamrangko ka·angna kusi ong·begen ine ku·rachakaha.
