WILLIAMNAGAR: Garo Student’s Union (GSU), Eastern Zone, Williamnagar, Williamnagar District Prison & Correctional Home (Jail)-o dongenggipa manderangko dingtangmancha grongenba, ba·ra-chola, ja·kop aro gipin nangchongmotgipa jakkalani bosturangko on·gile dakchakangaha.
Indake GSU, mongsongbate battanggimin salrangni gisepo GHADC election-o gipin jatrangni susapaaniko jegalaniko dakangani bidingo jatgnini gisepo dinggrikanirang ong·ani ja·man, so·sojengjeng ong·anio pangchake saksni rim·ako man·gipa manderangkoba gronge golpoaha aro uamangni dongchakani obosta aro bewalrangni gimin sing·sandie niangaha. Uni gisepon pattoko donatako man·gipa jong-adarang namen dongtokenga ine GSU kobor on·ataha.
Una agre, mikkangchiba GSU dol uamangni bil amao jerangkon dakna man·genchim pilakni gitan dakchakanirangko on·pana, pattoko dongenggipa jong-adarangna ku·chakanirangko on·angenba, GSU doloniko maiaba dakchakani ba nanganirang donggenchimode, je somoioba janapatchina ba kobor on·atchina gitaba aganangaha. Indake uamangko gronge aro uamang baksa agan-golpogrike, uamangna ka·dongani aro ka·dimeani kattarangko agane ku·patianirangko on·a gita cholrangkoba man·aha ine GSU Eastern Zone-ni President Geora R. Sangma parakataha.
