SHILLONG: Garo Hills-o bilsianti manirongenggipa 100 Drums Wangala Festival ba maniani ia bilsio bilsi 50 gapengahani gimin, ia manianiko dal·bate ong·atna tik ka·aha ine Budbar salo, a·dokni Tourism Minister Timothy D Shira parakataha.
Garo Hills-o tourism-ni namroro silroroenganiko janapatengon, ia bilsio ‘100 Drums Wangala’ manianiko, ‘1000 Drums Wangala’-ko ong·atanichi manianggen aro ian Wangala manianio dal·batsranggipa maniani ong·gen ine Shira parakataha.
Ia bilsini 100 Drums Wangala manianiona gipin biaprangoni bang·bata manderangko salbana gita sorkari, Garo Hills-o tourism-ko tang·dobatatna miksongenga ineba Tourism Minister aganaha.
Garo Hills-na tourism project-rangko ra·gate on·ani gimin janapatengon, Jengjal, Nokasikom, Jadonggre aro Rongbang Dare-o namroro silroroani kamrangko man·chape, dingtang dingtang biaprango tourism-ko namdapatna tangka paisarangko chamataha ine Shira parakataha.
Wangala gita dakgipa manianirangona re·bana sikenggipa bang·bata tourist-rangan, rama jal·langrangni a·sel neng·nikanirangko chagrongna nangenga ine janapatengon, da·o a·doko bang·en tourism-ni kamrangkosan ong·aigija rama jal·langrangkoba tarina a·bachengatengahani gimin mikkangchide gipin biaprangoni re·baenggipa manderangna cholrangko oe on·na gita ong·gnok ine Tourism Minister parakataha.
Jengjal-ni Baljek Airport-ko dal·batatani gimin janapatengon, ia airport-ko dal·bate tarianio a·arangko ra·na aro tangka paisarangko gamanio adita neng·nikanirangko chagrongna nangkuenga ine Shira parakataha.
Wangala manianiara, A·chikrangni dal·batsranggipa aro mongsongbatgipa maniani ong·a aro ia manianiko A·chikrang, bilsiantian mi-misirangko ramanani ja·man manironga. Ia bilsio, 100 Drums Wangala manianiko a·bachengaoni bilsi 50 gapengahani gimin ia manianiko dal·bate manina tarisamsoengon, ia manianiona dingtang dingtang a·songrangoni tourist-rangkoba sokbana ka·dongsoenga.
Wangala Festival-ni bilsi 50 gapaniko manianio ‘1000 Drums Wangala’-ko ong·atgen
Date:
Share post:
